خۆزگه قەومەكەم ئەم ڕاستیانەیان وەك خۆی دەزانی (یا لیت قومي یعلمون) - ماڵپەڕى دکتۆر عبداللطیف أحمد مصطفی
سەرەکی    »    عەقیدە و مەنهەج    »    خۆزگه قەومەكەم ئەم ڕاستیانەیان وەك خۆی دەزانی (یا لیت قومي یعلمون)

خۆزگه قەومەكەم ئەم ڕاستیانەیان وەك خۆی دەزانی (یا لیت قومي یعلمون)

خۆزگه قەومەكەم ئەم ڕاستیانەیان وەك خۆی دەزانی (یا لیت قومي یعلمون)

خۆزگه قەومەكەم دەیانزانی لاڕێ بووەكان كێن و چی بوهتانێك بۆ سەلەفیەكان دەكەن:
١. ماركسیە ڕۆژهەلات پەرستەكان كە لایانداوه له ئیمان هینان به خوا وه لاڕێ بوون، به سەلەفیەكان دەڵین: (كۆنه پەرست)!
٢. مونافیقه ڕۆژئاوا پەرستەكان كه پێیان شەرمه پابەند بن به داب و نەریت و شەریعەتی ئیسلامی میللەتەكەمان، به سەلەفیەكان دەڵێن: (دواكەوتو و ناشارەستانی)، وه كەسێ نەیانناسێ دەڵێت: لەوانەیه خۆیان زۆر پیشكەوتوو بن لە بواره زانستەكانی دونیا، بەڵام جگه له لاسایی كردنەوەی عادەت و جل و بەرگی غەرب هیچ شتێكیان له موسڵمان زیاتر نییه!
٣. شەخس پەرستەكان كە لە تەوحید واته تەنها خواپەرستی لایانداوه به سەلەفیەكان دەڵین: (وەهابی)!
٤. حزبیەكان كه لە ڕێبازی سەلەف لایانداوە و تەفرەقە و دووبەرەكییان ناوەتەوه و كاریان ململانێیه بۆ كورسی و پارەی دەسەڵات به سەلەفیەكان دەڵێن: (عەمیل و مەدخەلی و موخابەرات و لا جەماعه و دوژمنی موسڵمانان)!
٥. فاسق و ئیمان لاوازەكان كه تاقەتی عیبادەتیان نییە و حەزیان له تەمبەلی و ڕابواردنه به سەلەفیەكان دەڵێن: (وشك و توندڕەو)!
٦. وە هەروەها گشت ئەو لادراوانەی پێشوو به سەلەفیەكان دەڵێن: (داعش)!
٧. وه له بەرامبەریشدا تەكفیری و داعشەكانیش كه له میانڕەوی ئیسلام لایانداوه به سەلەفیەكان دەڵێن: (مورجیئه و مورتەد)!
وە خوای گەورەش دەزانێت كە هیچ كام لەم ناو و ناتۆرانه ڕاست نین كه له سەلەفیەكانی دەنێن، بەڵام شەیتان سەری لێشێواندون و حەق و ناحەقی لێ هەڵگێڕاونەتەوه.
بەڵكو سەلەفیەكان:
١- خوا پەرستن نەك كۆنه پەرست.
٢- ڕۆشنبیر و عاقڵن نەك دواكەوتوو.
٣- شوێن محمدی كوڕی عبدالله -علیه الصلاة والسلام- كەوتون نەك محمدی كوڕی عبدالوهاب و ربیع مەدخەلی لەگەڵ ڕێزماندا.
٤- لەگەڵ جەماعەتی گەورەی موسڵمانانن و دڵسۆزی ڕاستەقینە و بەپەرۆش و ناصحیانن نەك عەمیل و دژیان.
٥- میانڕەو و پابەندی دینن نەك وشك.
٦- دژی داعش و زیدەڕەوی تەكفیرین و هۆكاری ئەمن و ئاسایشی وڵاتن نەك داعش بن.
بەڵام خۆزگه قەومەكەم ئەم ڕاستیانەیان وەك خۆی دەزانی (یا لیت قومي یعلمون).

نووسینى
دکتۆر عبداللطیف أحمد مصطفی أمین