سەرەکی    »     پرسیار و وەڵامەکان    »     هەمەجۆر     »    دەست بەرزكردنەوە لەكاتی دوعادا بیدعەیە یان نا؟

دەست بەرزكردنەوە لەكاتی دوعادا بیدعەیە یان نا؟ - ماڵپەڕى دکتۆر عبداللطیف أحمد مصطفی
دەست بەرزكردنەوە لەكاتی دوعادا بیدعەیە یان نا؟
دەقی پرسیار :

دەست بەرزكردنەوە لەكاتی دوعادا بیدعەیە یان نا؟ ئایا ئیمامی شافعی -ڕەحمەتی خوای لێبێت- كردوویەتی؟ ئەگەر ئیمام بیدعەیەكی كرد لە نوێژدا ئێمەش بیكەین وەك (قنوت) لە نوێژی بەیانیدا؟


وەڵام :

دەست بەرزكردنەوە یەكێكە لە ئادابەكانی دوعا كردن، لە ئادابی دوعا كردن ئەوەیە كە مرۆف دەست بەرز بكاتەوە وە بیدعە نییە، بێگومان ئەو ئیمامانە ئەو ئادابەیان زانیوە و ئیمامی شافعیش -ڕەحمەتی خوای لێبێت- بۆچونی لەسەر ئەوەیە كە سوننەتە نەك بیدعە.
لە بیدعەدا شوێنی ئیمام ناكەوین پێغەمبەر -صلی الله علیه وسلم- فەرمویەتی: «صلوا كما رأیتموني أصلي» نوێژ بكەن بەو شێوەیەی كە منتان بینیوە نوێژ دەكەم، نەیفەرمووە نوێژ بكەن بەو شێوەیەی كە ئیمامەكەتان دەبینن نوێژ دەكات، ئێمە پێش ئیمام ناكەوین وە لێشی دواناكەوین، شوێنی دەكەوین لە هەستان و دانیشتنیدا بەڵام نەك ئێمە بچین بیدعە بكەین چونكە مەلا بیدعە دەكات، یاخود چۆنێتی نوێژ كردنەكەی چۆن بێت نوێژی ئێمەش بەو شێوەیە بێت، دەبێت چۆنێتی نوێژ كردنمان وەكو نوێژی پێغەمبەر -صلی الله علیه وسلم- بێت.