سەرەکی    »     پرسیار و وەڵامەکان    »     عەقیدە و مەنهەج     »    بۆچی هەندێ سەلەفی سەلام ناكەن لە كەسانی تر، تەنها سەلام لە كەسانی سەلەفی دەكەن؟

بۆچی هەندێ سەلەفی سەلام ناكەن لە كەسانی تر، تەنها سەلام لە كەسانی سەلەفی دەكەن؟ - ماڵپەڕى دکتۆر عبداللطیف أحمد مصطفی
بۆچی هەندێ سەلەفی سەلام ناكەن لە كەسانی تر، تەنها سەلام لە كەسانی سەلەفی دەكەن؟
دەقی پرسیار :

بۆچی هەندێ سەلەفی سەلام ناكەن لە كەسانی تر، تەنها سەلام لە كەسانی سەلەفی دەكەن؟


وەڵام :

هەركەسێك سەلام لە موسڵمانان بە گشتی نەكات ئەوە هەڵەیە، چونكە پێغەمبەری خوا صلی الله علیه وسلم فەرمویەتی: «أفشوا السلام بینكم» سەلام لەناو خۆتاندا بڵاوبكەنەوە، ئەگەر مرۆڤ تەنها سەلام لەو كەسانە بكات كە برادەرێتی و سەلام لە خەڵكی تر نەكات ئەوە كارێكی خراپە و پێچەوانەی سوننەتە، بۆیە یەكێك لە نیشانەكانی هاتنی قیامەت كە پێغەمبەری خوا صلی الله علیه وسلم فەرمووی: (وای لێدێت ئەوەی كە نەیناسێت سەلامی لێناكات)، بەڵكو پێغەمبەری خوا صلی الله علیه وسلم ئامۆژگاری هاوەڵانی كرد كە سەلام بكەن لەوەی كە دەیناسن و لەوەش كە نایناسن. هەندێك كەسیش كە سەلام لە كەسانی تر نەكەن ئەوە لە خۆیانەوە دەیكەن نەك ئەوە بدرێتە پاڵ سەلەفییەت و سەلەفییەكان، لەوانەیە هەندێك گەنج هەبێت لە ئەنجامی خراپ تێگەیشتنی خۆی لە دین وا بكات، بەڵام ئەگەر مەبەست پێی ئەوە بێت هەندێك كەسی ئەهلی فیسقی موبتەدیع هەیە، ئەوانە ئەهلی ئەوە نین كە سەلامیان لێبكرێت (ئەوە جیاوازە)، ئەوانەش كەسانێكی فیتنەچی و ئاژاوەگێڕ و خراپكارن نەك خەڵكی بەگشتی.