سەرەکی    »     پرسیار و وەڵامەکان    »     هەمەجۆر     »    حوكمی (إستمنا‌ء) چییە؟

حوكمی (إستمنا‌ء) چییە؟ - ماڵپەڕى دکتۆر عبداللطیف أحمد مصطفی
حوكمی (إستمنا‌ء) چییە؟
دەقی پرسیار :

حوكمی (إستمنا‌ء) چییە؟ ئەگەر كەسێك توانای ڕۆژو گرتن و ژن هێنانی نەبوو دەتوانێت هەفتەی جارێك ئەو كارە بكات؟


وەڵام :

بێگومان كارێكی حەرامە، خوای پەروەردگار دەفەرموێت: {وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ} ئەو كەسانەی كە دامێنی خۆیان دەپارێزن تەنها بۆ خێزانی خۆیان و جاریەی خۆیان نەبێت ئەوە لەوەدا لۆمە ناكرێن، واتە جگە لەوە لۆمەكراوە و گلەیی لێدەكرێت وە توشی حەرام و تاوان دەبێت، وە بەڵگەیەكی تریش ئەوەیە كە پێغەمبەری خودا صلی الله علیه وسلم فەرمویەتی: «يا معشر الشباب من استطاع منكم الباءة فليتزوج، فمن لم يستطع فعليه بالصوم فإنه له وجاء» هەركەسێك لە ئێوە توانای ژن هێنانی هەبوو با ژن بهێنێت، وە هەركەسێك كە نەیتوانی ژن بهێنێت با بەڕۆژو بێت، ڕۆژو بوون هەوا و ئارەزوی دەشكێنێت وە توشی حەرام و خراپە نابێت.
پێغەمبەری خوا صلی الله علیه وسلم چارەسەرێكی حەرامی دانەناوە، نەیفەرمووە با بچێت (إستمنا‌ء) بكات، بەڵكو فەرمووی با بەڕۆژو بێت. كەسێك كە نەتوانێت ژن بهێنێت و توانای بەڕۆژو بوونیشی نەبێت، (هەركەسێك توانای بەڕۆژو بوونی مانگی ڕەمەزانی هەبێت، دەتوانێت هەفتەی ڕۆژێك یان دوو ڕۆژ بەڕۆژو بێت)، ئەوا با زیكری خوای گەورە زۆر بكات وە پەنا بگرێت بە خوا لە شەیتان یان قورئان بخوێنێت.