سەرەکی    »     پرسیار و وەڵامەکان    »     عەقیدە و مەنهەج     »    وەڵاممان چی بێت بۆ ئەو كەسانەی كە دەڵێن زاناكانی (سعودیە)، مەبەست لە مەكکە و مەدینە، بەكرێگیراوی سوڵتەن؟

وەڵاممان چی بێت بۆ ئەو كەسانەی كە دەڵێن زاناكانی (سعودیە)، مەبەست لە مەكکە و مەدینە، بەكرێگیراوی سوڵتەن؟ - ماڵپەڕى دکتۆر عبداللطیف أحمد مصطفی
وەڵاممان چی بێت بۆ ئەو كەسانەی كە دەڵێن زاناكانی (سعودیە)، مەبەست لە مەكکە و مەدینە، بەكرێگیراوی سوڵتەن؟
دەقی پرسیار :

وەڵاممان چی بێت بۆ ئەو كەسانەی كە دەڵێن زاناكانی (سعودیە)، مەبەست لە مەكکە و مەدینە، بەكرێگیراوی سوڵتەن؟


وەڵام :

ئەگەر مەبەستی لە بەكرێگیراوی ئەوە بێت كە ئەوانیش كارمەندن (موظف) بن، واتە سەر بە ئەوقافی سعودیە بن، مەعاشیان هەیە هەروەكو چۆن هەموو مەلا و (موظف)ـەكانی كوردستان سەر بە حكومەتن ئەوە بەهەرحاڵ، بەڵام مەبەستی بەكرێگیراوی (عمالة) بێت، واتە ئەوە بێت حكومەت بەكرێی گرتبن، پارەیان بداتێ بۆئەوەی جاسوسی بكەن، و بۆئەوەی خەریكی كاری خراپ بن، پەنا بە خوای گەورە، ئەوە ئەو كەسەی ئەو قسانە دەكات خوای گەورە ڕووڕەشی دەكات و زەلیلی دەكات و سوكی دەكات، والله بە دووری نازانم خوای گەورە بە ئاخر شەڕی بیمرێنێت، یانی زانایان زۆر لەوە بەرزترن خەڵكی ئەو قسانەیان بەرامبەر بكات، زانایانی سعودیە بە حەق دەڵێن حەق و بە ناحەق دەڵێن ناحەق، چەندەها (مواقف) هەیە كە دەوڵەت ڕەئی خۆی هەبووە بەڵام ئەمان ڕەئی خۆیان جیاواز بووە لەو ڕەئییە، ڕەئی صەریحی خۆیان هەبووە و وتویانە ئەوە حەقە، حەق لەوەدایە، كەواتە خەڵكی گومانی خراپ بەرێت بە زانایان تاوانبار دەبێت لای خوای پەروەردگار، وە لەلایەكی تریشەوە دەبیین ئەوە دیعایەی حیزبییە تەكفیرییەكانە، وە ئەو كەسانەیە كە دوورن لە مەنهەجی سەلەف، تەماشا دەكەین ئیتهامی زانایان دەكەن ئەوانە زانای (سلاطين)ن، یان بەكرێگیراون، پەنا بە خوا، یانی زانایانی سەلەف لە هەموو كەس دوورترن لە كورسی و مەنصەب و پلەوپایەی دونیا، بەڵام چونكە فەتواكانیان موافقی ئەهوایان نییە، یەكسەر ئیتهامیان دەكەن بە باطل، ئەوانە عەمیلن، ئەوانە بەكرێگیراون، ئەوەش سەیر نییە، ئێمە لە كوردستان، خۆ خەڵكی كوردستان زۆربەمان یەكتر دەناسین، یەكێك لە مەلاكانی هەولێر چونكە موبتەدیعە و لەسەر مەنهەجی سەلەف نییە، كەسێك تەلەفۆنی بۆ كردووە، دەنگەكەی تەسجیل كراوە، كە باسی من دەكات دەڵێت ئەوە بەكرێگیراوی جولەكەیە، بەكرێگیراوی بەریتانیایە، لەوێوە پارەی بۆ دێت، باشە تۆ لە خوا نەترسێیت، یەكسەر لە خۆتەوە ئەو قسانە بكەیت، جا ئەو كەسانە لە خوا ناترسن و تەقوای خوا ناكەن كە ئەو جۆرە قسانە دەكەن. والله أعلم.