سەرەکی    »     پرسیار و وەڵامەکان    »     عەقیدە و مەنهەج     »    هەندێك كەس دەڵێن بێ مەزهەبی پردی بێ دینییە، ئایا ئەمە تا چەند ڕاستە؟

هەندێك كەس دەڵێن بێ مەزهەبی پردی بێ دینییە، ئایا ئەمە تا چەند ڕاستە؟ - ماڵپەڕى دکتۆر عبداللطیف أحمد مصطفی
هەندێك كەس دەڵێن بێ مەزهەبی پردی بێ دینییە، ئایا ئەمە تا چەند ڕاستە؟
دەقی پرسیار :

هەندێك كەس دەڵێن بێ مەزهەبی پردی بێ دینییە، ئایا ئەمە تا چەند ڕاستە؟


وەڵام :

بێ مەزهەبی لەكاتێكدا ڕاستە كە مەبەستیان لە مەزهەب بریتی بێت لە دین واتە بێ دینی، كە موسڵمان هیچ مەزهەبێكی نەبێت، ئێمەی ئەهلی سوننە و جەماعە مەزهەبمان مەزهەبی سەلەفە، لەجیاتی ئەوەی كە من بڵێم من تەنها (بۆ نمونە) ئیمامی أبو حەنیفة چی وتووە لەسەر ئەوەم وە لەو نەبێت دین وەرناگرم، دەڵێم نەخێر ئێمە مەزهەبمان مەزهەبی (أبو بكر و عمر و عثمان و علی و هەموو صەحابە و تابعینە) و لەسەر مەزهەبی ئەوان دەڕۆین، بەڵام كەسێك كە هیچ مەزهەبێكی نەبێت (واتە هیچ دینێكی نەبێت)، هیچ ڕێڕەوێكی نەبێت لە دینداریدا، ئەوە بەڵێ، بەڵام مانای ئەوە نییە كە كەسێك تەقلیدی نەبێت بۆ یەكێك لەو چوار مەزهەبە ئەوە مانای ئەوە نییە كە هیچ مەزهەبی نییە، هەڵە تێگەیشتنەكە لەوەدایە كە كەسێك مەزهەبی حەنەفی یان حەنبەلی یان شافعی نەبوو ئەوا وا دەزانن هیچ مەزهەبێكی نییە، نازانن ئەو كەسە لەسەر مەزهەبێكە كە زۆر ڕاستتر و تەواوترە لە مەزهەبی تاكە زانایەك هەرچەندە زانایەكی بەڕێزیش بێت، ئێمە حەق لای شافعی بێت سەر سەر و چاومان قەبوڵی دەكەین، لای ئەبو حەنیفە بێت بەهەمان شێوە، واتە لەدوای حەق بگەڕێین نەك لەدوای مەزهەب بگەڕێین، مەزهەبی تاكە زانایەك.