سەرەکی    »     پرسیار و وەڵامەکان    »     عەقیدە و مەنهەج     »    زۆر جار تۆمەتی ئەوە دەدرێتە پاڵ سەلەفییەكان كە لە هەڵوەستەكاندا قسە ناكەن و هەڵوێستی خۆیان بۆ خەڵك ڕوون ناكەنەوە؟

زۆر جار تۆمەتی ئەوە دەدرێتە پاڵ سەلەفییەكان كە لە هەڵوەستەكاندا قسە ناكەن و هەڵوێستی خۆیان بۆ خەڵك ڕوون ناكەنەوە؟ - ماڵپەڕى دکتۆر عبداللطیف أحمد مصطفی
زۆر جار تۆمەتی ئەوە دەدرێتە پاڵ سەلەفییەكان كە لە هەڵوەستەكاندا قسە ناكەن و هەڵوێستی خۆیان بۆ خەڵك ڕوون ناكەنەوە؟
دەقی پرسیار :

زۆر جار تۆمەتی ئەوە دەدرێتە پاڵ سەلەفییەكان كە لە هەڵوەستەكاندا قسە ناكەن و هەڵوێستی خۆیان بۆ خەڵك ڕوون ناكەنەوە و مەوقیفیان دیار نییە؟


وەڵام :

سەرەتا پرسیارەكە ڕاست نیە، سەلەفیەكان مەوقیفیان هەیە، بەڵام دەكرێت بگونجێت بۆ مەوقیفی سەلەفیەكان وەكو مەوقیفی تێكڕای گروپە ئیسلامیەكان نیە، ئەوەیان بەڵێ وایە، لە هەندێ شتدا مەوقیفی سەلەفیەكان جیاوازە لە هەندێ لە گروپە ئیسلامیەكان. بۆ نموونە كاتێ گۆڤاری چرپە ئەو كوفرەی تێدا كرا مامۆستا سەلەفیەكان لە وتاری هەینیدا باسیان كرد و ئینكاریان لەوە كردووە، وە نەصیحەتی موسڵمانیان كردووە كە ئەو كارە بە كوفر دابنێن و هەركەسێك مسقاڵە زەڕەیەك لە دڵیدا ڕازی بێت و بە باشی بزانێت ئەوە پێی كافر دەبێت و لە دین پێی دەچێتە دەرەوە، هەركەسێك لە دڵیشیدا پێی ناخۆش نەبێت ئەوە لە ئیمانی بترسێت، ئەمە هەمووی كراوە، بەڵام لەگەڵ ئەوەشدا وتراوە ڕێگای شەرعی و هەڵوێستی شەرعی ئەوەیە كە مامۆستایانی ئاینی، پیاو ماقوڵان، ئەوانە بڕۆن بۆ لای سەركردە و بەرپرسەكان لەگەڵ ئەوان قسە بكرێت و چارەسەری كێشە بكرێت بە شێوەیەكی باش و زانستیانە، وە ئەدەبانە و حەكیمانە و كاربەجێیانە، ئەوە مەوقیفی سەلەفیەكان بووە.
پێش ئەوەی ئەو (خۆپیشاندانە)ی پێش دەرگای پەڕلەمان بكرێت چەندان پرسیار هاتووە بۆ ئێمە ئایا شتێكی وا دەكرێت، بڕۆین؟، وتومانە نەخێر چونكە ئەوە هەڵوێستێكی شەرعی نیە و خراپە و فەوزا و فیتنەیە و تێكدانە و خواش دەزانێ كە دەستی كێی لە پشتە و بە چ ئاقارێكدا دەڕوات بێگومان.
كەواتە ئێمەش هەڵوێستمان هەبووە بەڵام هەڵوێستمان ئەوە نەبووە هانی خەڵكی بدەین بڕۆن كاولكاری بكەن و خۆپیشاندان بكەن و فیتنە و ئاژاوە دروست بێت و نەشزانین كێ پاڵی پێوە دەنێت و مەصڵەحەتی كێی تێدایە، نەخێر ئەوەمان وتووە كە نەكرێت، كەواتە ئێمەش مەوقیفمان هەبووە بەڵام مەوقیفمان لە كەسێكی حەماسی و ناحەكیم و نازانا بە شەرعی خوا و سوننەتی خوا جیاوازە، نەك بۆ ئەم ڕوواوە، ئێمە بۆ تێكڕای ڕووداوەكانی تریش هەڵوێستی خۆمان هەبووە، بۆ نموونە ئەو خۆپیشاندانانەی كە لە پێشوودا كرا نەك هەر هەڵوێست نەبووە بەڵكو من وتاری هەینیم لەسەری داوە و كتێبیكیشم لەسەری نووسیوە بە ناوی (گۆڕانكاری ڕاستەقینە و بەسوود كامەیە؟)، بۆیە هەڵوێستمان هەبووە بەڵام مەرج نیە هەڵوێستی ئێمە وەكو فڵانە حیزب بێت، دەمانەوێت خوا یارمەتیمان بدات بەپێی شەرع بێت و بەگوێرەیی سوننەت بێت، بێ ئەوەی كاریگەری و فشاری كۆمەڵگا یان حیزب یان حكومەتمان لەسەر بێت یان هی وڵاتانی دەرەوە، ئێمە بە حەماسەت و عاتیفەت ناجوڵێین، بەڵام بە شەرعی خوا دەجوڵێین خوا هاوكارمان بێت، جا خەڵك پێی خۆشە پێی خۆش نیە یان حكومەت پێی خۆشە یان نا ئەوە گرنگ نیە بە لای ئێمەوە، لەوانەیە لە مەوقیفێكدا هەڵوێستمان هەبێت حیزبی ئیسلامی پێی خۆش بێت یان لە یەكێكی تر حكومەت پێی خۆش بێت، هەڵوێستێكت هەیە لەو جوزئییەتەدا حكومەت پێ خۆش نییە، ئێمە گوێ نادەین بەوە كە كێ پێی خۆشە، كێ پێی ناخۆشە، گوێ دەدەینە ئەوە كە ئایا ڕەزابوونی خوای تێدایە و بەگوێرەیی شەرعی خوایە یان نا، كە لەگەڵ حیزبێكی ئیسلامی هەڵوێستمان وەكو یەك یان نزیك لە یەك بوو حكومەت بڵێ ئا ئەوانە حیزبێكی سیاسین، یان لە كارێكی تر لەگەڵ حكومەت هەڵوێستمان نزیك بوو ئەو كاتە حیزبی ئیسلامی بڵێن ئەوان پیاوی حكومەتن، ئەمانە هەمووی بوهتانە و لە هەر لایەكەوە بكرێت بۆ سەلەفیەكان، سەلەفی دەیانەوێت خوای گەورە لە خۆیان ڕازی بكەن و شەرعی خوا چۆنە بەو شێوەیە بمێنێتەوە، خەڵك بانگ بكەن بۆ ئەوە بەبێ ئەوەی كە سوپاس بۆ خوا پیاوی كەس بن یان بە تەوجیهی لایەنێك بچن بەڕێوە جگە لە تەوجیهی كیتاب و سوننەت نەبێت. والله أعلم.